ქართული დამწერლობის შესახებ - ახალი წიგნი

თამაზ მჭედლიძე და მისი "ასომთავრული"

            

 ეს ბატონ თამაზ მჭედლიძეა, ჩვენი თანაქალაქელი, ამჟამად კი გერმანიაში მცხოვრები ექიმი, მან ქ. თეავში დაამთავრა რუსული საშუალო სკოლა და სამედიცინო ინსტიტუტის დამთავრების შემდეგ რესპუბლიკის ფარგლებს გარეთ ცხოვრობს და იქ მოღვაწეობს. მაგრამ ქართული ენისადმი სიყვარული და ინტერესი არ დაუკარგავს. 20 წლის მანძილზე მუშაობდა და დიდი რუდუნებით ქმნიდა წიგნს „ასომთავრული“. წინასიტყვაობაში ავტორი ბოდიშს უხდის ენათმეცნიერებსა დასაშრიფტო საქმის ხელოვნებს შესაძლო ხარვეზების გამო, მაგრამ იქვე მიუთითებს, რომმან გააკეთა ის, რაც შეეძლო, ხოლო ვისაც შეუძლია, გააკეთოს მეტიო.
        ბატონმა თამაზმა წიგნის წერა 1999 წელს დაამთავრა, 2006 წელს კი ერთი ეგზემპლარი გამოუგზავნა თელავის ცენტრალური ბიბლიოთეკის დირექტორს, ქ-ნ მაყვალა წიკლაურს, რომელიც ამანათმა დიდად გააკვირვა.

         „ასომთავრული“ საკმაო მოცულობის წიგნია, 400 გვერდზე მეტია. მასში მრავლადაა ტაბულები და ილუსტრაციები, ავტორის მიერ დამზადებული შრიფტების ნიმუშები, რომლებშიც, როგორც ბატონი თამაზი წერს, ბევრი მხატვრული და ტექნიკური ნაკლია.

            წიგნის გადაშლისას თვალს მოგტაცებთ ასომთავრულით დაწყებული სათაური. სარჩევი მრავალფეროვანია, მასში შედის: ასომთავრული ტაბულები, ხელითწერა, დღესასწაულები.ეს უკანასკნელი თავი მეტად საინტერესოა, მოიცავს ინფორმაციას ქართული ეროვნული კალენდრის შესახებ,საქართველოს დღესასწაულებს, ახალ დროშას, ახალ გერბს, ახალ სიმბოლიკას, რომელიც სათანადო სურათებითაა გაფორმებული.

ბოლოს დართული აქვს საგნობრივი საძიებელი, ილუსტრაციებისა და ტაბულების სია, ლიტერატურა.

ავტორის აზრით „ასომთავრული“ განკუთვნილია ყველა იმ პირთათვის, ვისაც აინტერესებს ქართული დამწერლობა, მისი ოცნება კი ის არის, რომ აღდგეს მთავრული და ნუსხური ასოები.